विषाक्त रसायन प्रयोग गरि नक्कली स्यानीटाईजर बेच्ने ४ कम्पनीको उत्पादन र बिक्री वितरण रोक्का

काठमाण्डौं- औषधि व्यवस्था विभागले ४ वटा स्यानिटाईजर कम्पनीको उत्पादन तथा विक्रि वितरणमा रोक्का गरेको छ ।

विभागका अनुसार २ स्यानिटाईजर कम्पनीको उत्पादनमा विषाक्त रसायन समावेश भएको र अन्य २ कम्पनीको न्यून गुणस्तर भएकाले ती कम्पनीहरुको उत्पादन तथा बिक्रीवितरणमा रोक्का गरिएको हो।

विभागले जनाए अनुसार राष्ट्रिय औषधि प्रयोगशालामा परिक्षण गर्दा ती कम्पनीहरुको उत्पादनमा तोकेको मापदण्ड सम्बन्धी स्तर २०७६ बिपरित रहेको पाइएको हो।

प्रतिबन्धित कम्पनीहरु मध्ये २ नेपाली १ चिनिया र १ भारतीय कम्पनि रहेको विभागले जारी गरेको सूचनामा उल्लेख छ। सूचना अनुसार
गुन्जाओ ओबे पेकल फाइन केमिकल चीन,सम्पदा हेल्थ केयर इमाडोल ललितपुर,आर एल क्रप गुजरात भारत र श्रीनाथ हर्बल एण्ड कस्मेटिक इण्डस्ट्रि काठमाण्डौं रहेका छन्।

उल्लेखित कम्पनीहरु मध्ये चिनिया र भारतीय कम्पनीको उत्पदन गुणस्तरहीन रहेको र नेपाली कम्पनीहरुको उत्पदनमा विषाक्त रसायन प्रयोग गरिएको जनाइएको छ।

विभागले केहि दिन अघिमात्र पनि विषाक्त रसायन प्रयोग गर्ने ५ कम्पनीको उत्पादन तथा बिक्रि वितरणमा प्रतिबन्ध लगाएको थियो।