दक्षिण कोरियामा कोरोना कहर: दैनिक ११०० पसल बन्द हुँदै, हाल सम्म १ लाख बढी पसल बन्द

सोल – कोरोना संक्रमणका कारण यस बर्षको मध्य सम्ममा दक्षिण कोरियामा १ लाख बढी पसलहरु बन्द भएका छन् ।

कोरोना संक्रमणका कारण ब्यापार ठप्प भएपछि कर तथा भाडा तिर्नै समस्या भएपछि उनीहरुले पसल बन्द गरेका हुन् ।

दक्षिण कोरियाली साना उद्यम विभागका अनुसार हाल दक्षिण कोरियामा करिव २५ लाख ७० हजार पसलहरु रहेका छन् ।

कोरोना संक्रमणका कारण हाल सम्म कुल पसलहरु मध्ये ३.९ प्रतिशत अर्थात १,०३,९४३ वटा पसल बन्द भइसकेका छन् । तथ्याङ्क अनुसार औषत दैनिक ११४३ पसलहरु बन्द हुन थालेका छन् ।

विभागका अनुसार हाल दक्षिण कोरियामा खुद्रा ब्यापारीहरुको अवस्था काहाली लाग्दो भएको छ । राजधानी सोलमा मात्र लकडाउन सुरु भएसँगै करिव ६० हजार पसल बन्द भएका छन् । ब्यापारिक मलमा रहेका सटरहरु १२% भन्दा बढी खाली भएको समेत विभागले जनाएको छ ।