कोरियामा अमेरिकी सैनिकको गाडीसंग ठोकिंदा ४ जनाको मृत्यु

सोल – दक्षिण कोरियाको राजधानी सोलस्थित अमेरिकी शसश्त्र गाडी र एक कार ठोकिएर दुर्घटना हुँदा ४ जना दक्षिण कोरियाली नागरिकको मृत्यु भएको प्रहरीले बताएको छ ।

दुई दम्पत्ती सवार उक्त कार अकेरिकी सेनाको बख्तरबन्द गाडीसँग हिजो रातको करिव ९:३० बजेतिर ठोकिएको थियो ।

दुर्घटनामा परि मृत्यु हुने सम्पुर्ण अन्दाजी ५० बर्षका रहेका थिए । उक्त घटनामा एक अमेरिकी सैनिक समेत गम्भिर घाइते भएका छन् । उनलाई अस्पताल लगिएको प्रहरीले जनाएको छ ।

समाचार अनुसार उक्त क्षेत्रमा अमेरिकी सैन्य सवारी साधनहरु प्रसस्तै चल्दछन् । दुर्घटना ग्रस्त स्थानमा सैनिक गाडी आफ्नै बाटो गइरहेको बताइएको छ । घटना लगत्तै दक्षिण कोरियाली प्रहरी तथा अमेरिकी सैनिकले आआफ्नो छानविन समिति बनाएर अनुसन्धान सुरु गरेका छन् ।

यता अमेरिकी सैनिक अधिकारीले उक्त दुर्घटनामा परि ज्यान गुमाएका परिवार प्रति हार्दिक श्रद्दाञ्जली व्यक्त गरेको छ भने उसले प्रहरीको छानविन प्रकृयामा पूर्ण सहयोग गर्ने समेत बताएको छ ।

दुर्घटनामा परि उक्त कार पुर्ण रुपमा क्षतिग्रस्त भएको छ भने सैनिक गाडीमा समेत आंशिक क्षति पुगेको छ ।