कोरियामा एलजीको फाइभ जी स्मार्ट फोन सार्वजनिक

सोल – दक्षिण कोरियाको प्रतिष्ठित स्मार्टफोन निर्माता कम्पनि एलजीले आफ्नो बहुप्रतिक्षित स्मार्ट फोन सार्वजनिक गरेको छ ।

पछिल्ला समयमा मोवाइल फोन क्षेत्रमा खासै दबदवा राख्न नसकेको कम्पनिले यो नयाँ स्मार्टफोन मार्फत आफूलाई स्थापित गराउन खोजेको कम्पनिले जनाएको छ ।

क्युनाइनटु मोडलको उक्त स्मार्ट फोन एलजी कम्पनिको पहिलो स्मार्ट फोन हो । ४ सय २० अमेरिकी डलर मुल्य निर्धारण गरिएको उक्त स्मार्ट फोन क्यू सेरिजको पहिलो फाइभ जी स्मार्ट फोन रहेको पनि कम्पनिले जनाएको छ ।

४८ मेगापिक्सेलको क्वार्ड क्यामरा रहेको उक्त स्मार्ट फोनमा ८ मेगापिक्सेलको अल्ट्रावाइड लेन्स तथा ५ मेगापिक्सेलको डेप्थ सेन्सर लेन्स राखिएको छ । ३२ मेगापिक्सेलको सेल्फी क्यामरा उक्त स्मार्ट फोनका आकर्षक पक्ष हुन् ।

६ जिबि र्याम भएको यो स्मार्टफोनमा १२८ जिबिको मेमोरी रहेको छ । यसले २ टिबि सम्मको मेमरीकार्ड सपोर्ट गर्छ । क्वालकम स्न्यापड्र्यागन ७६५ जी चीपसेट जडित यस स्मार्ट फोनमा ब्याट्री भने ४००० एमएएचको रहेको छ |

दक्षिण कोरियामा यस फोनलाई सामसुङको ए फाइव वान मोडल तथा चिनियाँ कम्पनि स्याओमीको एमआइ टेनसँग तुलना गरिएको छ ।

कम्पनिमा निरन्तर घाटा पश्चात आफूलाई स्मार्टफोन मार्फत स्थापित गराउन मध्यम मुल्यका स्मार्टफोनहरु बजारमा ल्याउने कम्पनिले रणनिति लिएको समाचारमा जनाइएको छ ।