कोरियाली प्रायद्विपमा अमेरिकी बम बर्षक विमानहरुद्धारा शसश्त्र अभ्यास

सोल-दक्षिण कोरिया तथा जापानको सीमा क्षेत्रको बीचमा अवस्थित समुद्रमाथि सैयौँ अमेरिकी बम बर्षक विमानहरुले शसश्त्र सैन्य अभ्यास गरेका छन् ।

बुधबार सार्वजनिक गरिएको जनाकारी अनुसार सैयौँको संख्यामा अत्याधुनिक अमेरिकी सैनिक विमानहरुले उक्त क्षेत्रमा अभ्यास गरेका थिए ।

मंगलवारबाट सुरु गरिएको उक्त संयुक्त सैन्य अभ्यासका क्रममा अमेरिकाले दक्षिण कोरिया ल्याएका अत्याधुनिक बी—एलबी ल्यान्सर्स तथा बी– २ बम बर्षक विमानहरुको प्रयोग गरिएको थियो ।

अमेरिकी तथा दक्षिण कोरियाली सैनिकहरुले संयुक्त रुपमा उत्तर कोरियालाई सचेत बनाउन हरेक बर्ष यस किसिमको सैन्य अभ्यास गर्ने गर्दछन् ।

अमेरिकी प्रशान्त क्षेत्रीय सैनिकका अनुसार अमेरिकाको उक्त सैन्य अभ्यास विश्व सामु अमेरिकाको दबदबा देखाउने एक उदाहरण हो । अमेरिकी सैनिक आवश्यकता अनुसार जहाँ पनि र जहिले पनि तयारी हालतमा रहेको छ भन्ने सन्देश उक्त सैन्य अभ्यासले दिएको उनीहरुले जनाएका छन् ।

समाचारमा जनाइए अनुसार उक्त सैन्य अभ्यास दक्षिण कोरियाको तयारी अनुरुप नभएको पाइएको छ । उत्तर कोरियाको शक्तिलाई निश्तेज पार्न हाल अमेरिकी सैनिकहरुको दक्षिण कोरियामा महत्वपुर्ण भुमिका रहँदै आएको छ ।

हाल दक्षिण कोरिया उत्तर विरुद्ध एक्लै खडा हुन खोजे पनि उसले सोचे जति सफलता भने प्राप्त गर्न सकिरहेको छैन ।