अष्ट्रेलियाले अक्सफोर्डको कोरोना भ्याक्सिन नि:शुल्क दिने

अष्ट्रेलियाका प्रधानमन्त्री स्कट मोरिसनले मंगलबार देशमा कोरोनाको भ्याक्सिनको उत्पादन गरिने र सबै नागरिकलाई निःशुल्क प्रदान गरिने जानकारी दिएका छन् ।

समाचार एजेन्सी एएफपीका अनुसार प्रधानमन्त्रीले स्विडिश–बेलायती कम्पनी एस्ट्राजेनिकासँग अष्ट्रेलियाले सम्झौता गरेको छ जसमार्फत् अक्सफोर्डले बनाएको भ्याक्सिन अब उसले पाउनेछ ।

उनले भने, ‘हाल अक्सफोर्डको भ्याक्सिन संसारको सबैभन्दा उन्नत र विश्वासिलो भ्याक्सिन हो । कम्पनीसँग सम्झौता अनुरुप हामीले आफ्ना सबै नागरिकका लागि अब यो भ्याक्सिन सुनिश्चित गरेका छौं ।’

यदि यो भ्याक्सिन प्रभावकारी प्रमाणित भए ठूलो परिमाणमा यसको उत्पादन गरिने र सबै २५० लाख अष्ट्रेलियाली नागरिकसम्म निःशुल्क पुर्याइने प्रधानमन्त्रीले जानकारी दिएका छन् ।

अक्सफोर्डद्वारा बनाइएको भ्याक्सिन संसारका ती पाँच भ्याक्सिनमध्ये एक हो जसको तेस्रो चरणको ट्रायल चलिरहेको छ र अनुसन्धानकर्तालाई आशा छ कि यो वर्षको अन्त्यसम्म यसको नतिजा पनि सार्वजनिक हुनेछ ।

प्रधानमन्त्रीका अनुसार उनको सरकारले अन्य थप सम्भावित भ्याक्सिन बनाइरहेको समूहसँग पनि सम्पर्क गरिरहेको छ र देशभित्र पनि वैज्ञानिकले उनीहरुको कोसिसमा मद्दत गरिरहेका छन् ।

यद्यपि, अहिलेसम्म एस्ट्राजेनिकासँग भ्याक्सिनको मूल्य कति निश्चित गरिएको छ र अष्ट्रेलियामा यसको उत्पादन कसले गर्नेछ भन्नेबारे अहिलेसम्म सहमति बन्न सकेको छैन ।

स्रोतः बीबीसी