खानेपानीका इन्जिनियर साढे १० लाख घुससहित पक्राउ

काठमाडौं : नेपाल खानेपानी संस्थान बुटवल, रूपन्देहीका कार्यालय प्रमुख (सातौ तह) इन्जिनियर सन्तोष साह  १०  लाख ५५  हजार श्रोत नखुलेको रकमसहित धादिङबाट पक्राउ परेका छन्।

खानेपानी शाखा कार्यालयहरुको विभिन्न व्यक्तिहरुसंग घुस/रिसवत रकम उठाई काठमाडौंतर्फ जाँदै गरेको भन्ने सूचनाका आधारमा अख्तियार दुरुपयोग अनुसन्धान आयोग टंगालबाट खटिई गएको टोलीले  इन्जिनियर साहलाई पक्राउ गरेको हो ।

लु १ ञ ९५ नं. को गाडीमा बुटवलबाट काठमाण्डौ जादै गर्दा  धादिङ धुनिवेसी नगरपालिका वडा नं.-८ खानीखोलामा गाडी चेक जाँच गर्ने क्रममा साहसँग रहेको श्रोत नखुलेको नगद रकम दुई लाख ३३ हजार पाँच सय र  बैंकमा जम्मा गरेको बैंक भौचर  आठ लाख २२ हजार बराबरको रकमसहित नियन्त्रणमा लिई अनुसन्धान भइरहेको  अख्तियार प्रवक्ता  तारानाथ अधिकारीले जानकारी दिए ।