गोङ्गबुमा सुटकेशमा टाउको र खुट्टा अलग गरिएको शव फेला

काठमाडौँ – काठमाडौँको गोङ्गबुमा सुटकेशमा टाउको र खुट्टा अलग गरिएको शव फेला परेको छ । गोङ्गबु चोकको गणेश मन्दिरबाट बानियाँटार जाने बाटोतर्फ दुई सय मिटरको दूरीमा कालो सुटकेशमा टाउको र खुट्टा नभएका शव फेला परेको र सोही स्थानभन्दा करिब तीन सय मिटरको दूरीमा रहेको फोहाेर फाल्ने खोल्सामा टाउको र दुई वटा खुट्टा राखेको झोला फेला परेको महानगरीय प्रहरी अपराध महाशाखाका डीएसपी दीपक थापाले बताएका छन् ।
स्थानीय धीरेन्द्र चौधरीले सुटकेश देखेको र त्यसबाट गन्धसमेत आएकाले शङ्का लागेर प्रहरीलाई खबर गरेका थिए । शव हेर्दा अन्दाजी ४४ वर्षीय पुरुषको हुनसक्ने प्रहरीले जनाएको छ ।