पोखरामा एक जना कोरोना संक्रमितको मृत्यु

पोखरा –  पोखरामा कोरोना संक्रमित एक जनाको मृत्यु भएको छ । पोखरा महानगरपालिका वडा नं. १९ निवासी ६२ वर्षीय पुरुष भएको पश्चिमाञ्चल स्वास्थ्य विज्ञान प्रतिष्ठानले जनाएको छ ।
मधुमेहका बिरामी समेत रहेका उहाँ यही साउन १७ गते अस्पतालमा भर्ना भएको प्रतिष्ठानका निर्देशक सह प्रा. डा. अर्जुन आचार्यले जानकारी दिएका छन् ।
उनकोे हिजो शनिबार राति ११ बजेर ३५ मिनेटमा मृत्यु भएको बताइएको छ । यो संगै कास्कीमा कोरोना संक्रमित भइ प्रतिष्ठानमा मृत्यु हुनेको संख्या तीन जना पुगेको छ ।