उत्तर कोरियाका हतियारले प्रति घण्टा २ लाख दक्षिण कोरियालीको ज्यान लिन सक्छ: अमेरिका

सोल – उत्तर कोरियाली हतियारहरु यदि दक्षिण कोरिया विरुद्ध प्रयोग गरिएमा एक घण्टामा २ लाख दक्षिण कोरियाली नागरिकको ज्यान जाने अमेरिकी थिङ्क ट्याङ्कले जनाएको छ ।

हाल उत्तर कोरियाले ६ हजार बढी त्यस्ता मिसाइलहरु दक्षिण कोरियाको घना वस्ती भएका क्षेत्रहरुमा राखेको बताउदै तिनले लाखौँ कोरियाली नागरिकको ज्यान केमिकल अथवा न्युक्लियर हतियार प्रयोग नगरि नै लिन सक्ने खतरा औँल्याएका छन् ।

यदि ५,७०० त्यस्ता मिसाइलहरु डिमिलिटराईज क्षेत्र वरपरबाट दक्षिणमा प्राहार गरिएमा अमेरिकी सैनिकको दक्षिण कोरियाली हेडक्वार्टर लगायतका घना वस्ति रहेका क्षेत्रसम्म सहजै पुग्ने मध्यम तथा लामो दुरीका मिसाईलहरु उत्तर सँग रहेको बताउदै ति हतियारले एक हमलामा धेरै मानिसहरुको ज्यान लिने बताइएको हो ।

यदि डिमिलिटराइज क्षेत्र वरपर मात्र ति हतियारहरुको प्रयोग गरि हमला गरिएमा एक मिनेटमा ४५०० जना मानिसको ज्यान जान सक्ने थिङ्क ट्याङ्कले जनाएको छ ।

उक्त संस्थाले दक्षिण कोरिया तथा अमेरिकालाई उत्तर कोरियालाइ उत्तेजित बनाउने किसिमका कार्यहरु नगराई संयमित तरिकाले उ सँग भएका हतियार निशश्त्रीकरण गर्न सल्लाह समेत दिएको छ ।

भड्किलो व्यवाहारले धेरै नागरिकको ज्यान जान सक्ने भन्दै संयमित तरिकाले उत्तर कोरियालाई शान्ति प्रकृयामा ल्याउन उसले सल्लाह समेत दिएको छ ।