दक्षिण कोरिया सरकारले गरिरहेको उत्तर कोरिया विरोधी गतिविधि नियमनका बारेमा संयुक्त राष्ट्र संघको चासो

संयुक्त राष्ट्रसंघको उत्तर कोरिया हेर्ने विभागले दक्षिण कोरियामा भइरहेका उत्तर कोरिया विरोधी प्रदर्शनमाथि भईरहेको नियमनका बारेमा प्रश्न गरेको छ । राष्ट्रसंघले उनीहरुको उक्त उत्तर कोरिया विरोधी प्रदर्शन रोक्नुको कारणबारे विस्त्रित जानकारी मागेको छ ।
रेडियो फ्री एसिया सँगको अन्तरवार्तामा संयुक्त राष्ट्रसंघका उत्तर कोरिया स्थित विषेश प्रतिनिधि थोमस ओजिया क्विन्टानाले सोलले हालै उत्तर कोरियाली मानव अधिकार कर्मीहरुमाथि गरिएको कारवाहीको बारेमा गम्भिर चासो व्यक्त गर्दै उक्त माग गरेका हुन् ।
विश्वका सबै देशमा शान्तिपुर्ण तरिकाले आफ्ना माग राख्न पाउने नागरिकहरुको अधिकार रहेको बताउदै दक्षिणले उत्तर कोरियाबाट विस्थापित नागरिकहरुको उक्त आन्दोलनमा गरेको दमनको बारेमा चासो राख्दै कारण समेत माग गरेका हुन् ।
उनले दक्षिण कोरियालाई उक्त आन्दोलन दवाइनुका बारेमा जानकारी दिन अनुरोध गरिएको तथा दक्षिण कोरियाका सरकारी अधिकारीहरु सँग उक्त विषयमा सम्पर्क सणथापित गर्ने प्रयास समेत भइरहेको जानकारी दिएका छन् । संयुक्त राष्ट्रसंघबाट औपचारिक निर्देशन नआए पनि मानव अधिकारका दृष्टिकोणले आफूले उक्त जानकारी माग गरेको उनले बताएका छन् ।
उत्तर कोरियाबाट निस्काशित नागरिकहरुले केही समय अगाडी उत्तर कोरिया विरोधि गतिविधि गरेका थिए । सोहि कारणले उत्तर दक्षिण सम्बन्धमा थप चिसोपना आए पश्चात दक्षिण कोरियाले त्यहाँ हुँदै आएका सम्पुर्ण प्रदर्शनहरु बन्द गराएको थियो ।