गण्डकी प्रदेशमा थप ३८ जनामा कोरोना संक्रमण पुष्टि

पोखरा- गण्डकी प्रदेशमा थप ३८ जनामा कोरोना संक्रमण पुष्टि भएको छ।

गण्डकी स्वास्थ्य निर्देशनालयले आज विहान सार्वजनिक गरेको तथ्यांक अनुसार स्याङ्जा, बागलुङ, तनहुँ, नवलपरासी, लमजुङ र कास्की जिल्लाका ३८ जनामा संक्रमण थपिएको हो।
क्षयरोग उपचार केन्द्र पोखरामा गरिएको परिक्षणमा स्याङ्जाका ११ जना, बागलुङका ६ जना, तनहुँका ३ जना, नवलपरासीका १ जना तथा लमजुङका १ जना रहेका छन् ।
त्यसै गरि पोखरा स्वास्थ्य विज्ञान प्रतिष्ठान पोखरामा मा गरिएको परिक्षणमा कास्कीका १४ जना तथा लमजुङका १ जनामा कोरोना संक्रमण पाइएको छ ।
यो सँगै गण्डकी प्रदेशमा हालसम्म १ हजार ४ सय ७९ पुगेको छ।

सुची