अफगानिस्तानमा हेलिकप्टर दुर्घटना

एजेन्सी: अफगानिस्तानको हेल्मान्ड प्रान्तमा सोमबार एउटा सैनिक हेलिकप्टर दुर्घटनामा परेको छ । आपतकालीन अवतरण गराइएको उक्त हेलिकप्टरमा सवार दुई सैनिक गम्भीर घाइते भएका छन् ।
सैनिक स्रोतका अनुसार उक्त हेलिकप्टर सोमबार बिहानै हेल्मान्डको काजाकी जिल्लामा आपतकालीन अवतरण गराइएको थियो । उक्त घटनाका बारेमा अनुसन्धान शुरु भइसकेको अफगानी सेनाले जनाएको छ ।
घाइते सैनिकहरुको सैनिक शिविरमा उपचार भइरहेको छ । स्थानीयबासीले तालिबानको आक्रमणका कारण हेलिकप्टर दुर्घटनाग्रस्त भएको दाबी गरेका छन् । हेल्मान्ड प्रान्तमा तालिबानको प्रभाव अत्यधिक रहेको छ ।