राष्ट्रपति भण्डारीको चीन ‘स्टेट भिजिट’ हुने

काठमाडौं- राष्ट्रपति बिद्या भण्डारी नौ दिने चीन ‘स्टेट भिजिट’ जाने भएकी छिन ।

यसबारे चीनले शुक्रबार बेइजिङमा पत्रकार सम्मेलन गरि राष्ट्रपति विद्यादेवी भण्डारीले अप्रिल २४ देखि मे २ (११–१९ वैशाख) मा चीनको पहिलो ‘स्टेट भिजिट’ गर्न लागेको पुस्टि गरेको हो ।

पत्रकार सम्मेलनमा चीनिया राष्ट्रपति सी चिनफिङको निमन्त्रणामा नेपालका राष्ट्रपति विद्यादेवी भण्डारीले अप्रिल २४ देखि मे २ (११–१९ वैशाख) मा चीन स्टेट भिजिटमा आउन लागेको विदेश मन्त्रालयका प्रवक्ता लु गाओले जानकारी दिए ।

बेइजिङमा २५ देखि २७ अप्रिलमा हुने दोश्रो बेल्ट एण्ड रोड इनिसियटिभ (बीआरआई) अन्तर्राष्ट्रिय सहकार्य शिखर मञ्चमा सहभागी हुने गरि राष्ट्रपति विद्यादेवी भण्डारीले चीन भ्रमण गर्दैछिन्, जसलाई औपचारिक भ्रमण बनाउन लागिएको हो।