दक्षिण कोरियामा पहिलो पटक कोरोना विरुद्धको खोप मानवमा परिक्षण गरिदै

सोल – दक्षिण कोरियाले शुक्रवार स्थानिय सेल्ट्रियन नामक कम्पनिको कोरोना संक्रमणसँग जुध्न तयार गरिएको खोपलाई मानिसमा परिक्षण गर्न अनुमति दिएको छ । यो दक्षिण कोरियाकै पहिलो एण्टीबडी औषधि हो जुन मानवमा परिक्षण गरिदै छ ।

विश्वभर महामारीका रुपमा फैलिइरहेको कोरोना महामारीले ५ लाख ८० हजार मानिसको ज्यान लिइसकेको छ भने १ करोड ४० लाख मान्छे प्रभावित बनेका छन् । यस महामारीलाई नियन्त्रण गर्न विश्वभरका बैज्ञानिकहरु औषधि तथा खोप निर्माणमा जुटिरहेका छन् ।

दक्षिण कोरियामा खोप निर्माण गर्दै आएको सेल्ट्रियन कम्पनिका अनुसार यसले भाइरसको सतहलाई कमजोर बताइ मानिसमा भएका कोशहरुमा प्रवेश गर्न दिदैन । जनावरमा परिक्षण गरिसकिएको उक्त औषधि अस्पतालको सहयोगमा ३२ जना स्वस्थ मानिसहरुमा प्रयोग गरिने छ ।

सन् २०२० भित्रै सम्पुर्ण परिक्षण समाप्त गरि उक्त औषधिलाई सन् २०२१को सुरुवातीबाट नै बजारमा पठाउने तयारी भइरहेको कम्पनिले जनाएको छ । समाचार संस्था रोयटर्स सँग कुरा गर्दै कम्पनिका सिईओ कि वु सुङले व्यापक मानव परिक्षण पश्चात उक्त औषधि कोरियामा विक्री गरिने तथा कोरियाको बजार ब्यवस्थापन पश्चात अन्तराष्ट्रिय बजारमा उक्त औषधि पठाइने छ ।

उनले औषधिको मुल्य सर्वसाधारण जनताले किन्न सक्ने बनाउन पर्नेमा समेत जोड दिएका छन् । विकसित मुलुकमा रेमिडिसिभिर नामक औषधि २३४० अमेरिकी डलरमा विक्रि भएको जनाउदै उक्त मुल्य सर्वसाधारण जनताको पहुँच बाहिर भएका कारण सहज मुल्य राख्नु पर्नेमा समेत जोड दिएका छन् ।