‘ठमेल बजार…’ बाट नयाँ आइटम गर्लको उदय

काठमाडौं – भर्खरै रिलिज भएको चलचित्र ‘लुट–२’ को आइटम गीत ‘ठमेल बजार…’ बाट एउटी नयाँ आइटम गर्लको उदय भएको छ । विगतमा केही चलचित्र तथा म्युजिक भिडियोमा अभिनय गरिसकेकी एलिशा राईले फागुनमा प्रदर्शन हुने लुट–२ को उक्त गीतमा आकर्षक शैलीमा कम्मर मर्काएकी छिन् ।

युट्युबबाट सार्वजनिक भएको पहिलो तीन दिनमै ३ लाख पटक हेरिएको यो गीतमा एलिशाले चलचित्रका निर्देशक निश्चल बस्नेत तथा अभिनेता दयाहाङ राईसँग नृत्य गरेकी छिन् ।

घुमाउरो शैलीमा ठमेलको रात्रि जीवनको कथा बोल्ने यो गीतमा कालिप्रसाद बाँसकोटाको संगीतमा कालीप्रसाद बाँसकोटा, मीना निरौला तथा भानुभक्त ढकालको स्वर सुन्न सकिन्छ ।