उत्तर कोरियाबाट भागेर दक्षिण आएका नागरिक दुबै देशका शत्रु

सोल-उत्तर कोरियाबाट देश निकाला गरिएका तथा त्यहाँ बाट भागेर दक्षिण कोरिया आएका उत्तर कोरियाली नागरिक हाल आएर दुबै देशका लागि टाउको दुखाईको विषय बन्न थालेका छन् ।

पछिल्ला दिनहरुमा उत्तर दक्षिण सिमा क्षेत्रमा उनीहरुद्वारा सञ्चालित उत्तर विरोधी गतिविधि, वेलुन मार्फत गरिएका पर्चावाजी आदी कारणले उत्तर कोरिया दक्षिण कोरियासँग रुष्ट बनेको छ ।

उत्तर कोरियाले त ति उत्तर कोरियाली नागरिकहरुलाई मान्छेको नाममा कलंक रहेको बताएको छ । आफ्ना शासकको मानमर्दन गर्न खोजेको बताउदै राज्यका शत्रुको रुपमा चित्रित गरेको छ ।

यता दक्षिण कोरियाले पनि उनीहरुकै कारणबाट सिमा क्षेत्रमा तनाव आएको भन्दै उनीहरुको साथ छोडेको तथा उत्तर विरोधी गतिविधि गरेको पाइएमा कारवाही गर्ने सम्म बताइसकेको छ ।

केही समय अगाडी उत्तर कोरियाली नेता किम जोङ उनकी बहिनी किम यो जोङले उत्तर विरोधी प्रदर्शनकारीहरुलाई भुस्याहा कुकुरको संघ्या समेत दिएकि थिइन् । उनको उक्त भनाई पश्चात ति प्रदर्शनकारीको परिवारमा उत्तर विरोधी धारणा झन् शशक्त बनेको उत्तरसँग सरोकार राख्नेहरुले बताएका छन् ।

पछिल्ला दिनहरुमा उत्तर विरोधी प्रदर्शनमा तिव्रता आए पश्चात उत्तर कोरियाले प्रदर्शनकारीहरुका गतिविधिहरुमा कडा निगरानी राख्न थालेको छ ।

निस्कासितहरुले दक्षिणमा काम गरि उत्तरमा पैसा पठाउने क्रम पाइए पश्चात उत्तर कोरियाले त्यसमा समेत कडाई गर्न थालृको छ । समाचार अनुसार उनीहरुले वार्षिक करिव २३ मिलियन अमेरिकी डलर सम्म उत्तर कोरिया पठाउने गरेका छन् ।

यता पछिल्ला दिनहरुमा दक्षिण कोरिया पनि उत्तर कोरियाली निश्कासित नागरिकहरुका गतिविधिको विरुद्धमा लागेको छ । हाल उसले उत्तर विरोधी सम्पुर्ण प्रदर्शन निश्तेज त पारेको छ नै, त्यसका अलावा सम्भावित कार्यालयहरुमा छापा मार्ने तथा पक्राउ गर्ने सम्मका कारवाही गर्न थालेको छ । यसो गरिदा उत्तरबाट दक्षिण आएका नागरिक दुबै देशको चेपुवामा परेका छन् ।