कोरियाली प्रायदिपमा तत्काललाई युद्ध खतरा टर्यो

सोल-उत्तर कोरियाली तानाशाह किम जोङ उनले दक्षिण कोरिया माथिको सैन्य कारवाहीलाई होल्ड गर्न निर्देशन दिए लगत्तै तत्कालका लागि युद्धको खतरा टरेको छ ।

समाचारमा बताइए अनुसार किमको उक्त आदेश पश्चात उत्तर कोरियाली सैनिकहरु अफवाह फैलाउन प्रयोग गरिएका लाउड स्पिकरहरु हटाइरहेका देख्न सकिन्न्यो ।

उत्तर कोरियाली सरकारी सञ्चार माध्यम केसिएनएका अनुसार नेता किमलाई उत्तरको केन्द्रिय सैनिक आयोगले तत्काल युद्ध गर्न नहुने सल्लाह दिएको हो । किमले उक्त सल्लाहलाई बैठकमा अनुमोदन गरेसँगै उत्तर कोरियाली जनसेना तत्कालका लागि युद्धबाट पछि हटेको हो ।

दक्षिण कोरियाली क्षेत्रबाट उत्तर विरोधि पर्चा पम्प्लेटहरु उडाईन थाले लगत्तै उत्तर कोरियाले दक्षिण कोरियासँगको सिमा क्षेत्रमा सैन्य गतिविधिलाई सकृय गराएको थियो । उत्तरले उक्त योजना जुन १४ तारिखका दिन गरेको थियो ।

दक्षिण कोरियाली सरकार उत्तर कोरिया विरोधी गतिविधि नियन्त्रण गराउन असफल भए लगत्तै किमकी बहिनी किम यो जोङले सैनिकलाई तत्कालै एक्सन लिन तथा सिमा क्षेत्रमा रहेको डिमिलिटराईज क्षेत्रमा रहेका बंकरहरुमाथि कब्जा जमाउन आदेश दिएकी थिईन् ।

उत्तर कोरियाली सञ्चार माध्यम केसिएनएका अनुसार किमको पछिल्लो कदम उत्तर कोरिया दक्षिणसँग झुकेको नभई कोरियाली प्रायद्वीपमा हिंसा भड्काउने पक्षमा नरहेको मात्र बुझ्न भनिएको छ । उत्तर विरोधी गतिविधि नियन्त्रणमा नराखिए कुनै पनि बेला सैन्य कारवाही हुन सक्ने समाचारमा बताइएको छ ।