बेलुनमा पर्चा उडाउने दुवै कोरियाको चलन हो – संयुक्त राष्ट्रसंघ

सोल-उत्तर कोरियाद्वारा निश्कासित गरिएका नागरिकहरुले प्योङयाङ विरोधि नारा अंकित पर्चा उडाउनु उनीहरुको विचारको स्वतन्त्रता भएको संयुक्त राष्ट्रसंघले बताएको छ ।

प्योङयाङले दक्षिण कोरियालाई प्रदर्शन रोक्न कुनै भुमिका निर्वाह नगरेको आरोप लगाउदै कारवाही गर्ने चेतावनी दिइरहेका बेला संयुक्त राष्ट्रसंघको उक्त भनाई आएको हो ।

मानव अधिकारका लागि संयुक्त राष्ट्रसंघिय उच्च आयुक्तको कार्यालय सोलका प्रमुख सिञ्जे पोल्सनले हालै जारी उत्तर दक्षिण टकराव बारे धारणा सार्वजनिक गर्दै उक्त विषय जनताको आफ्नो अभिव्यक्ति स्वतन्त्र पुर्वक उपभोग गर्न पाउने अधिकार अन्तरगत रहेको बताएका छन ।

एक अर्काको विरोध गर्न वेलुनमा भारी मात्रामा पर्चा पम्प्लेट उडाउने प्रचलन दुबै कोरियाका लागि नौलो प्रचलन भने हैन । दुबै देशले पर्चावाजी गर्दै आंशिक द्वन्दमा समेत फस्ने गरेका छन् ।

यद्यपि उत्तर कोरियाले विरोध गर्दा प्रयोग गर्ने भाषा भने तल्लो स्तरको रहेको छ । क्रुर शासक किम जोङ उनले विरोधको न्युनतम मान्यता भन्दा तल झरेर प्रदर्शन गराउने गरेको पाइएको छ ।

उत्तर कोरियाली शासन व्यवस्थाका बारेमा जति हामी विज्ञ छौँ, त्यो भन्दा कैयौँ गुणा विज्ञ त्यहाँबाट भागेर आएका नागरिक भएको बताउदै एकतन्त्रीय क्रुर शासन पद्दतिबाट आजित जनतामा विरोधको भावना जाग्नु कुनै नौलो घटना नभएको पनि संयुक्त राष्ट्रसंघिय उच्च आयुक्तको कार्यालय सोलका प्रमुख सिञ्जे पोल्सनले बताएका छन् ।

दुई देश विच तनाव बढ्दै गइरहेका बेला उनले दुई देश बिच भएका जनताका नागरिक तथा राजनितिक अधिकारका बारेमा भएका सन्धि सम्झौतालाई सम्झनु पर्ने समेत उनले बताएका छन् ।

यसै वीच उत्तर कोरियाले दक्षिण तर्फ सोल विरोधी नारा तथा तस्विर समेटिएका करिव १ करोड २० लाख पर्चा पम्प्लेटहरु ३००० बेलुनको साहायतामा दक्षिण तर्फ पठाउने तयारी गरेको छ ।

उत्तर कोरियाली सरकारी सञ्चार माध्यम केसिएनएका अनुसार उसले ती पर्चाहरु दक्षिण कोरियाको सिमा क्षेत्रबाट उडाउने भएको हो । समाचारमा भनिएको छ- ‘यो समय दक्षिण कोरियालाई सजाय दिने समय हो ।’

उत्तर कोरियाले दक्षिण कोरियाको राजधानी प्योङयाङमा उत्तर कोरियाबाट देश निकाला गरिएका नागरिकहरुले गरेको प्रदर्शन मथ्थर पार्न दक्षिण कोरियाले निर्णायक भुमिका नखेलेको आरोप लगाउदै दक्षिण बिरोधी पर्चा उडाउने चेतावनी दिइरहेको बेला उक्त समाचार बाहिर आएको हो ।