कोरोनाबाट थप १ को मृत्यु, जम्मा मृत्यु हुनेको संख्या २३ पुग्यो

काठमाडौँ – आइतवार नियमित प्रेस ब्रिफिङका क्रममा मन्त्रालयका प्रवक्ता डाक्टर जागेश्वर गौतमले १ को मृत्यु भएको बताएका हुन् ।

मृतक गुल्मी जिल्लाको छत्रकोट गाउँपालिका वर्ष ६९ का पुरुष हुन् । प्रवक्ता डाक्टर गौतमले दिएको जानकारी अनुसार उनी प्यारालाइसिस उपचारका क्रममा भारत गएर गत २५ गते नेपाल आएपछि उनी होम क्वारेन्टाइनमा बसेका थिए ।

शुक्रवार नै स्वाब संकलन गरी भैरहवा पठाइएकोमा शनिवार पीसीआर पोजिटिभ देखिएको थियो । उनको मृत्यु शुक्रवार घरमै भएको थियो ।

मृतकको शवको नेपाली सेनाको सहयोगमा शनिवार नै व्यवस्थापन भइसकेको छ ।

यससँगै नेपालमा कोरोनाका कारण मृत्यु हुनेको संख्या २३ पुगेको छ ।