उत्तर कोरियालाई सीमामा भईरहेका पर्चाबाजी तत्काल बन्द गर्न निर्देशन

सोल-दक्षिण कोरियाली सरकारले पछिल्ला दिनहरुमा उत्तर कोरियाली सीमा क्षेत्रमा भइरहेका गतिविधि तत्काल बन्द गर्न भनेको छ ।

पछिल्ला दिनहरुमा उत्तर कोरियाले सीमा क्षेत्रमा दक्षिण कोरिया तथा सोल विरोधी नारा लेखिएका पर्चा पम्प्लेटहरु ब्यापक बनाएर उडाए पश्चात गम्भिर ध्यानाकर्षण भएको बताउदै त्यस्ता गतिविधिले दुई देशको सम्बन्ध थप विग्रने भन्दै तत्काल बन्द गर्न भनेको हो ।

पछिल्ला दिनहरुमा उत्तर कोरियाले दक्षिण कोरिया विरोधी नारा लेखिएका पर्चाहरु ठूलो संख्यामा छापिएको समाचार प्रकासित गरे पश्चात दक्षिण कोरियाको एकिकरण मन्त्रालयले उत्तर कोरियाको ध्यानाकर्षण गराएको हो ।

उत्तर कोरियाली सरकारी समाचार संस्था केसिएनएमा प्रकाशित समाचारमा देखाइए अनुसार ती पर्चाहरुमा दक्षिण कोरियाली राष्ट्रपति मुन जे इनले प्लाष्टिकको झोला बोकेर चुरोट तानिरहेको देखाइएको छ ।

उत्तर कोरियाको उक्त गतिविधि दुई देशहरु बीच भएको सम्झौता विपरित भएका कारण त्यस्ता गतिविधि तत्काल बन्द गर्नुपर्छ- एकिकरण मन्त्रालयले भनेको छ ।

मन्त्रालयले भनेको छ- ‘यस्ता गतिविधिले समस्या बढाउने नभई समस्यालाई अझ बढी प्रस्रय दिने छ र यो गतिविधि दुई कोरिया बीचको सम्बन्ध बिगार्ने यौटा प्रयास मात्र हुने छ ।’

हाल दक्षिण कोरियाली सरकारले उत्तर कोरिया विरोधी गतिविधिलाई बन्द गराईसकेको बताउदै यस किसिमका अराजक गतिविधि गरेर दुई देशलाई द्वन्द तर्फ नधकेल्न समेत दक्षिण कोरियाले उत्तर कोरियालाई भनेको छ ।

पछिल्ला गतिविधिहरुका कारण विग्रिएको सम्बन्ध वार्ताको माध्यमबाटै समाधान गर्न सकिने समेत एकिकरण मन्त्रालयले स्पस्ट पारेको छ ।