हङकङमा ‘होलिडे एट होम’

हङकङ-कोरोनाका कारण आक्रान्त बनेको जनजीवनलाई सामान्य तर्फ लैजान हङकङ सरकारको पर्यटन विभागले नयाँ प्याकेज सार्वजनिक गरेको छ ।

‘होलिडे एट होम’ अर्थात ‘घरमै विदा’ नाम गरिएको उक्त कार्यक्रमका माधयमबाट हङकङले थलिएको पर्यटन व्यवसायलाई जीवन दिन सो कार्यक्रमको घोषणा गरिएको विभागले जनाएको छ ।

कोरोना संक्रमणका कारण बाह्य पर्यटनको सम्भावना न्युन भएका कारण हाललाई देश भित्रै प्रसस्त पर्यटकीय सम्भावना बोकेका क्षेत्रहरुको भ्रमण गर्न पर्यटन विभागले नागरिकहरुलाई अनुरोध गरेको छ ।

विश्वका विभिन्न देशहरुमा कोरोना संक्रमणकै कारणले यात्रा प्रतिवन्ध लागेका बेला आन्तरिक पर्यटनको प्रचुर सम्भावना बोकेका क्षेत्रहरुको प्रवर्धनमा लाग्न समेत विभागले भनेको छ ।

हाल सरकार तथा विभागले हङकङका स्थानिय जनतालाई देश भित्र रहेका पर्यटकीय क्षेत्रबारे जानकारी दिन सुरु गरिसकेको छ ।

विभागले आन्तरिक पर्यटन प्रवर्धन गर्न अन्य आकर्षक योजनाहरु समेत ल्याउने तयारी गरिरहेको जानकारी दिदै अब देशको आर्थिक बिकासमा आन्तरिक पर्यटनलाई प्रमुख साझेदारको रुपमा लिएर जानु पर्नेमा विभागले जोड समेत दिएको छ ।