भारतमा कोरोना संक्रमण तीब्र -३ लाख ३३ हजार नाघ्यो

काठमाडौँ  – भारतमा दिनानुदिन कोरोना संक्रमण बढ्दै गएको छ।

आइतबार मात्र ११ हजार ३७४ जना संक्रमित थपिएपछि संक्रमितको संख्या ३ लाख ३३ हजार ८ पुगेको हो । भारतमा कोरोना भाइरस संक्रमितको संख्या ३ लाख ३३ हजार नाघेको छ ।

२४ घण्टामा ३२१ जना मृतक थपिएका छन् । मृतकको संख्या ९ हजार ५२० पुगेको छ । निको हुनेको संख्या ७ हजार ३६२ थपिएपछि १ लाख ६९ हजार ६८९ पुगेका छन् ।

सबैभन्दा प्रभावित राज्य महाराष्ट्रमा एकैदिन ३ हजार ३९० जना संक्रमित थपिएका छन् । संक्रमित १ लाख ७ हजार ९५८ पुगेका छन् । मृतक १२० सहित ३ हजार ९५० पुगेका छन् ।

लकडाउनमा पनि बढी खुकुलो बनेर संक्रमित थपिएको भन्ने निष्कर्षमा समेत पुग्न थालिएको प्रशासनहरुको निष्कर्ष भएकाले सुरक्षाकर्मीले कडाई गरेको छ । तर अन्य देशको तुलनामा निको हुनेको संख्या भने उल्लेख्य छ ।