अमेरिकी दूताबासले गर्यो अश्वेत आन्दोलनप्रति ऐक्यवद्धता

सोल-दक्षिण कोरियास्थित अमेरिकी राजदुतावासले अमेरिकामा प्रहरी दमनका कारण ज्यान गुमाएका अमेरिकी अश्वेत नागरिक जर्ज फ्लायड हत्या विरुद्धको आन्दोलनमा ऐक्यवद्धता जनाएको छ ।

दुतावासले आफ्नो भवन बाहिर व्ल्याक लाइफ म्याटर्स लेखिएको कालो तुल झुण्ड्याएर उक्त आन्दोलनमा ऐक्वयद्धता जनाएको हो । हाल अमेरिकाका अलावा विश्वका विभिन्न देशहरुमा अश्वेत नागरिकहरु विरुद्ध अमेरिकामा गरिएको दमनको विरुद्ध व्यापक विरोध प्रदर्शनहरु भइरहेका छन् ।

दुतावासको आधिकारीक सामाजिक सञ्जाल पेजमा भनिएको छ–’शान्त पुर्वक आफ्नो अधिकार खोज्ने आफ्ना देशका नागरिकहरुको आन्दोलनमा दुतावासको पुर्ण समर्थन सहितको ऐक्वयद्धता छ ।’

उक्त तुलले अमेरिकामा व्याप्त रङ्गभेदलाई हटाउन दवाव दिने तथा अश्वेत नागरिकहरु माथि भइरहेको प्रहरी दमनको समेत विरोध गरेको दूतावासको सामाजिक सञ्जालमा भनिएको छ ।

ग्वानामुनस्थित अमेरिकी दुतावासको भवनमा उक्त व्यानर प्रस्ट सँग देखिने गरि राखिएको छ ।

व्यानर राखिए पश्चात ट्वीट गर्दै कोरियाका लागि अमेरिकी राजदुत ह्यारी ह्यारिसले भनेका छन् – ‘हामीले फरकपनालाई अन्त्य गर्न सक्दैनौँ होला तर हामीले विभिदता सुरक्षित बाँच्ने संसार त बनाउन सक्छौँ । उनले अगाडी भनेका छन्। ‘ अमेरिका स्वतन्त्र तथा विभिदता युक्त देश हो र यो नै अमेरिकाको सामर्थ्य हो ।

राजदूत ह्यारिस मार्टिन लुथर किङ्गको अश्वेत विरोधी आन्दोलनमा समेत सहभागी भएका भुतपुर्व जलसेना समेत हुन् । उनले ट्वीटमा मार्टिनको स्वतन्त्रता विरोधी आन्दोलन अझै निस्कर्शमा नपुगेको समेत बताएका छन् ।