विश्वमा कोरोनाले ४ लाख ३१ हजार ७२७ को मृत्यु

काठमाडौँ  – कोरोना भाइरसको संक्रमणका कारण विश्वभरमा ज्यान गुमाउनेको संख्या ४ लाख ३१ हजार ७२७ पुगेको छ । नेपालमा कोरोनाका कारण १८ जनाको ज्यान गइसकेको छ ।

संक्रमितको संख्या ७८ लाख ५५ हजार ४९५ पुगिसकेको विश्व स्वास्थ्य संगठनले जनाएको छ ।

अमेरिकापछि सबैभन्दा धेरै ब्राजिल र क्रमशः रुस र भारतमा कोरोनाको संक्रमण फैलिएको छ । लामो समयसम्म पनि सामाजिक दूरी कामय गर्दासमेत संक्रमण फैलिन नरोकिएपछि विश्वका अधिकांश देशले लकडाउन खुकुलो गर्दै गएका छन् ।

लकडाउन खुकुलो गरेपछि संक्रमण झन धेरै फैलिएको भन्दै यसमा पुनरविचार गर्न विश्व स्वास्थ्य संगठनले आग्रह गर्दै आएको छ ।