थप २७९ मा कोरोना संक्रमण पुष्टी, संक्रमितको संख्या ४३६४

काठमाडौं – स्वास्थ्य तथा जनसंख्या मन्त्रायलका अनुसार नेपालमा थप २७९ जनामा कोरोना संक्रमण पुष्टि भएको छ ।

मन्त्रायलका प्रवक्ता जगेश्वोर गौतमले थप २७९ जनामा कोरोना संक्रमण पुष्टि भएको जानकारी दिएका छन् ।

संक्रमितमध्ये २५७ जना पुरुष छन् र २२ जना महिला रहेका छन् ।

यो संगै नेपालमा संक्रमितको संख्या ४३६४ पुगेको छ ।

प्रवक्ता जगेश्वोर गौतमले कोरोना संक्रमण मुक्त भई घर फर्कनेको संख्या ९० रहेको बताएका छन् । जसमा ८८ जना पुरुष छन् भने २ जना महिला रहेका छन् । यो संगै कोरोना संक्रमण मुक्त भई घर फर्कनेको संख्या ६७४ रहेको छ ।

कोरोना संक्रमित जिल्लाको संख्या ७२ पुगेको छ ।