आरुका स्वाद मात्र हैन स्वास्थ्यलाई पनि उत्तिकै लाभदायी

पहाडी तथा तराईको उष्ण हावापानीमा सहजै उपलव्ध हुने स्वादिष्ट फलको नाम हो आरु । बाहिर झुसिलो तथा भित्र दाना भएको यो फल प्राय मानिसहरुको मनपर्ने फल हो ।

बर्खा याममा पाक्ने यो फल हल्का गुलियो हुन्छ । रसिलो र स्वादिलो हुने भएकाले प्राय मानिसहरुको प्रिय फल हो आरु । आरु स्वादका दृष्टीले मात्र हैन, स्वास्थ्यका दृष्टीले पनि उत्तिकै महत्वपुर्ण छ । जानौँ आरुका चामत्कारिक स्वास्थ्य फाइदाहरु ।

१. आँखाका लागि-

यसले आँखालाई स्वास्थ्य र दृ्श्य शक्ति बढाउँनका मद्दत गर्छ । आरुमा बीटा क्यारटीन नामक तत्व पाइन्छ, जसले शरीरमा भिटामिन ‘ए’ बन्नका लागि आवश्यक हुन्छ । भिटामिन ‘ए’ले आँखामा रेटिनालाई स्वस्थ्य राख्नमा मद्दत गर्छ ।

२.तौल नियन्त्रण गर्छ –

यसले तौल कम गर्न पनि मद्दत गर्छ । आरुमा रहेको ८० प्रतिशत पानी र फाइबर भरपूर मात्रामा पाइन्छ । यसमा क्यालोरीको मात्रा कम हुन्छ । आरुमा रहेको फाइबरको मात्रा पेट र कलेजोबाट टोक्सिनलाई हटाउँनेमा मद्दत गर्छ ।

३.एन्टी–ओक्सीडेन्ट्सले भरिएको –

आरुमा आवश्यक ऐन्टीओक्सिडेन्ट्स हुन्छ, जसले वृद्धावस्थाको प्रक्रियासँग लड्न सक्षम रहन्छ । यसमा भिटामिन–सी बढी मात्रामा पाइन्छ।

४.मृगौलाका लागि लाभदायी –

यसमा पाइने पोटासियमले मृगौलीका लागि फाइदाजक हुन्छ । यसले पिसाब थैलीका लागि एक क्लिंजिंग एजेन्टको रुपमा काम गर्छ, जसले गर्दा मृगौलासँग जोडिएका बिरामी टाढा भाग्छन् ।

५.हड्डि बलियो –

आरुमा पाइने क्याल्सियम र फस्फोरसले हड्डिलाई बलियो बनाउँनका साथै दाँतलाई पनि बलियो बनाउँछ ।