थप ३२३ मा कोरोना संक्रमण पुष्टी, संक्रमितको संख्या ४०८५

काठमाडौं – स्वास्थ्य तथा जनसंख्या मन्त्रायलका अनुसार नेपालमा थप ३२३ जनामा कोरोना संक्रमण पुष्टि भएको छ ।

मन्त्रायलका प्रवक्ता जगेश्वोर गौतमले थप ३२३ जनामा कोरोना संक्रमण पुष्टि भएको जानकारी दिएका छन् ।

संक्रमितमध्ये २९२ जना पुरुष छन् र ३१ जना महिला रहेका छन् । हालसम्म संक्रमितमध्ये ३७९८ जना पुरुष छन् र २८७ जना महिला रहेका छन् ।

यो संगै नेपालमा संक्रमितको संख्या ४०८५ पुगेको छ ।

प्रवक्ता जगेश्वोर गौतमले कोरोना संक्रमण मुक्त भई घर फर्कनेको संख्या ९६ रहेको छ । जसमा ८८ जना पुरुष छन् भने ८ जना म्व्हिला रहेका छन् । यो संगै कोरोना संक्रमण मुक्त भई घर फर्कनेको संख्या ५८४ रहेको छ ।

कोरोना संक्रमणबाट थप १ को मृत्यु भएको छ । मृतक ज्वरो, निमोनिया, मधुमेह, उच्च रक्तचापबाट संक्रमित थिए ।

कोरोना संक्रमित जिल्लाको संख्या ७२ पुगेको छ ।