रुपन्देहीमा १ युवकद्वारा ५ जना साथिको हत्या

रुपन्देही – रूपन्देहीको तिलोत्तमा नगरपालिका–१० कान्छीबजार नजिकै मैनहवा गाउँमा एक व्यक्तिले आफ्नै ५ जना साथीको हत्या गरेका छन् । मृत्यु हुनेहरुमा एक जना महिला र चार जना पुरुष छन् । मैनहवास्थित गाउँमा सोमबार राति एक युवकले आफ्नै साथीहरुको हत्या गरेका हुन् ।

उनले घटनास्थलमै चार जनाको हत्या गरेका हुन् । एकजनाको उपचारको लागि अस्पताल लैजाँदै गर्दा बाटोमै मृत्यु भएको हो । घटनामा संलग्न भएको अभियोगमा उनलाई प्रहरीले पक्राउ गरेको छ । मृतक र हत्या गर्ने दुवै स्थानीय कुखुरा फार्ममा काम गर्ने मजदुर रहेको स्थानीय घनश्याम चौधरीको भनाई छ ।

प्रहरी टोली घटनास्थलमा पुगिसकेको छ । अहिले प्रहरीले घटनाको विवरण संकलन गर्दै छ । किन र कसरी हत्या गरे भन्ने खुल्न सकेको छैन । घटनाको थप विवरण आउन बाँकी छ ।