आँप खानुहोस् , ८ फाइदा लिनुहोस्

मज्जाले अकबरे खोर्सानी, जीरा, लसुन मिलाएर पिसेको नुन खोर्सानी हनि सर्लक्क परेका आपका चाना । तपाइको जिव्रोमा पानी पक्कै आइसक्यो ।

फलको राजा भनेर चिनिने आँप गर्मी मौसममा पाइने फलफूल मध्ये एक हो । हाल किसानका घर घर अनि बगैचा बगैचामा आँप छिप्पिने तयारीमा छन् त कतिपयका बगैचामा त असारे आँप पाक्ने लागेको छ।

पाकेपछि पनि आँप उत्ति नै स्वादिलो हुन्छ । आँप स्वादमा जति उत्कृष्ठ छ, स्वास्थ्यका दृष्टिले पनि उत्तिकै उत्कृष्ठ छ । आँपमा मानव शरिरका लागि अत्यावश्यक भिटामिन ए, भिटामिन सी का साथै कपर, जिंक, पोटाशियम, मिनरल्स प्रचुर मात्रामा पाइन्छ । यसको नियमित सेवन गर्नाले शरीरलाई निकै फाइदाजनक हुन्छ ।

आउनुस् हेरौं आँपका फाइदाहरु के के रहेछन् :

१- आँपमा फाइबरका साथै भिटामिन सी पाइने हुनाले शरीरमा कोलेस्ट्रेरोलको लेवल कम गर्न मद्दत गर्छ । साथै मुटु सम्बन्धी समस्याबाट मुक्ति मिल्छ ।

२-आँपमा पाइने भिटामिन ए ले आँखा तेजिलो हुनुका साथै आँखा सम्बन्धी समस्याबाट छुटकारा पाउन सकिन्छ ।

३- आँपको नियमित सेवनले पेटमा हुने कब्जियत, एसिडिटी तथा ग्याँस्ट्राइटिसको समस्याबाट मुक्ति मिल्छ ।

४- आँपको सेवनले शरीरमा शक्ति प्रदान गर्नुका साथै शरीरमा रोगप्रतिरोधात्मक क्षमता बढाउनमा मद्दत गर्छ र शरीरमा इन्फेक्सन हुनबाट बचाउँछ ।

५- आँपमा प्रशस्त मात्रामा आइरन पाइन्छ जसले शरीरमा रगत बढाउनुका साथै एनिमियाको समस्याबाट मुक्ति मिल्छ ।

६-आँपमा भरपूर मात्रामा भिटामिन बी ६ हुन्छ । जसले मस्तिष्कलाई स्वस्थ राख्नुका साथै स्मरण शक्ति बढाउन मद्दत गर्छ ।

७- यसको सेवनले ब्लडप्रेशरको लेवल कन्ट्रोल गर्न मद्दत गर्छ ।

८-२ चम्चा आँपको पेस्ट बनाई त्यसमा दही मिलाएर कपालमा लगाउने र आधा घण्टा पछि धुने गर्नाले कपाल नरम मुलायम हुनुका साथै चायाँ पर्ने समस्याबाट मुक्ति मिल्छ ।