भारतमा कोरोनाः झण्डै ७ हजारको मृत्यु, २ लाख ४६ हजारमा कोरोना पुष्टि

काठमाडौं भारतमा कोरोना भाइरसका कारण झण्डै ७ हजारको मृत्यु भएको छ । शनिबारमात्रै २९७ जनाभन्दा बढी संक्रमितले ज्यान गुमाएसँगै मृतकको संख्या ७ हजार पुगेको हो ।

त्यस्तै संक्रमित थपिने संख्या पनि बढ्दै गएको छ । पछिल्लो रिपोर्ट अनुसार शनिबारमात्रै १० हजारभन्दा बढी संक्रमित फेला परेका छन् ।

भारतमा झण्डै ९ हजार संक्रमितको अवस्था गम्भीर छ । भारतमा हालसम्म २ लाख ४६ हजारभन्दा बढी संक्रमित रहेका छन् । त्यस्तै १ लाख १८ हजारभन्दा बढी संक्रमित निको भएर घर फर्किएका छन् ।