कोरोना संक्रमणबाट थप एकको मृत्यु : कुल संख्या ११ पुग्यो

काठमाडौं- कोरोना भाइरसबाट मृत्यु हुनेको संख्या नेपालमा ११ पुगेको छ ।

मृतक सुर्खेतका पञ्चपुरी नगरपालिका १ हाँसेका २० वर्षीय पुरुष हुन् । हिजो मृत्यु भएका युवकको नमुना परीक्षणबाट कोरोना संक्रमण पुष्टि भएको हो ।

उनी जेठ ७मा भारतबाट आएर क्वारेन्टाइनमा बसेका थिए ।

उनको भारतबाट आएपछि परीक्षण गर्दा नेगेटिभ आएपछि जेठ २१ मा घर गएका थिए । उनको घरमा नै मृत्यु भएको हो ।

कर्णाली प्रदेश स्वास्थ्य निर्देशनालयले युवकको परीक्षणबाट पोजेटिभ आएको पुष्टि गरेको छ ।

यसअघि नेपालमा कोरोना संक्रमणबाट १० जनाको मृत्यु भइसकेको छ ।

कुल ११ जना मृतकमध्ये ९ पुरुष र २ महिला छन् ।