गण्डकी प्रदेशमा थप १६ जना कोरोना संक्रमित थपिए

कास्की – गण्डकी प्रदेशमा १६ जनामा कोरोना पुष्टि भएको छ । यो सँगै गण्डकी प्रदेशमा मात्रै ५४ जनामा कोरोना संक्रमण पुष्टि भएको छ । पोखरा स्वास्थ्य विज्ञान प्रतिष्ठान, पोखरामा गरिएको परीक्षणमा बाग्लुङको बडीगाड गाउँपालिकाका ४ जना पुरुष, गल्कोट नगरपालिकाका ३ जना पुरुष र निसीखोला गाउँपालिकाका एक महिला र दुई पुरुष गरि १० जनामा कोरोना पुष्टि भएको हो ।

यसैगरी पर्वतको बिहादी गाउँपालिका र फलेबास नगरपालिकाका दुई÷दुई जना पुरुष तथा स्याङजाको कालीगण्डकी गाउँपालिका र म्याग्दीको मंगला गाउँपालिकाका एक एक जनामा कोरोना पुष्टि भएको गण्डकी प्रदेशको सामाजिक विकास मन्त्रालयले जनाएको छ ।

उनीहरु सबैजनालाई सम्बन्धीत जिल्ला अस्पतालको आइसोलेशनमा लैजाने तयारी भएको छ ।