५ कोरोना संक्रमितको भर्ना गर्न अस्पतालले मानेन, मन्दिरको हलमा लगेर राखियो

कैलाली – कैलालीको गौरिगंगा नगरपालिकाका ५ जना कोरोना संक्रमितलाई सेती प्रादेशिक अस्पतालले भर्ना गर्न नमानेपछि समस्या भएको छ ।

उनीहरुलाई आइसोलेसन वार्ड अभाव भएको भन्दै अस्पतालले भर्ना नगरेको गौरिगंगा नगरपालिकाका प्रमुख भिम देउवाको भनाई छ । अस्पतालले भर्ना नगरेपछि संक्रमितहरुलाई मन्दिरको हलमा लगेर राखिएको र अब के गर्ने भन्ने विषयमा छलफल भैरहेको उनले बताए ।

उनीहरुमध्ये २ जनालाई स्वास्थ्यमा समस्या देखिएको छ भने अन्य ३ जना सामान्य रहेका छन् । स्थानीय तहले नै आइसोलेसन वार्ड बनाएर उनीहरुलाई राख्ने तयारीमा जुटेको मेयर देउवाले बताए ।