उत्तर कोरियामा नयाँ संविधान जारि भएसंगै किम झन् शक्तिशाली

सोल-उत्तर कोरियाली संसदले गत बिहिबार आफ्नो नयाँ संविधान जारी गरेको छ ।

नयाँ संबिधान पश्चात उत्तर कोरियाली शासक किम जोङ उन अझ बढी शक्तिशाली बनेका छन् । नयाँ संबिधान किम जोङ उनको शक्ति प्रबर्धनमा केन्द्रित रहेको बताइएको छ ।

विरलै मात्र हुने गरेको सर्वोच्च जन संसदको दोश्रो बैठकले संविधानमा संसोधन गर्दै किम जोङ उनलाई अझ शक्तिशाली बनाएको हो । उक्त संसदीय बैठक प्योङयाङको मेन्सुदे संसद भवनमा भएको थियो ।

उत्तर कोरियाली सरकारी टेलिभिजनका अनुसार किमलाई नयाँ जारी संविधानले राज्यका घटना बारे निर्णय लिन अझ सहज बनाएको छ ।

नयाँ संविधानले किम जोङ उनलाई पार्टी, सरकार, संसद, सेना लगायतका क्षेत्रको प्रमुख बनाउदै उनमा असिमित अधिकार समेत सुम्पेको छ ।

यस अघि नै अत्यन्त धेरै शक्तिशाली रहेका किम जोङ उनलाई अझ शक्तिशाली बनाइनुमा उत्तर कोरीयामा खस्किदै गइरहेको अर्थतन्त्र प्रमुख कारक रहेको बताइएको छ ।

ख्यंगी विश्वविद्यालयका प्राध्यापक नाम जो हुनका अनुसार अर्थतन्त्रलाई नियन्त्रण गर्न किमले संविधान संसोधन गराएका हुन सक्दछन् ।