लकडाउन जेठ ३२ सम्म लम्ब्याउने निर्णय, सीमाना र विमानस्थल १६ असारसम्म बन्द

काठमाडौँ -सरकारले लकडाउन जेठ ३२ सम्म लम्ब्याउने निर्णय गरेको छ। आउदो २० जेठमा सकिने लकडाउनलाई आज प्रधानमन्त्रीको सरकारी निवास बालुवाटारमा बसेको मन्त्रिपरिषद बैठकले ३२ जेठसम्मका लागि लम्ब्याउने निर्णय गरेको हो ।

बैठकले अन्तर्राष्ट्रिय सीमानाका र विमानस्थल असार १६ गतेसम्म बन्द गर्ने निर्णय पनि गरेको छ ।

यस्तै विदेशमा अलपत्र रहेका नेपालीलाई ल्याउने कार्ययोजना स्वीकृत गरेको एक मन्त्रीले जानकारी दिए ।

सरकारले विदेशमा अलपत्र रहेका नेपालीलाई उनीहरू रहेको देशस्थित नेपाली दूतावासमा नाम दर्ता गराएर प्राथमिकताका आधारमा स्वदेश फर्काउने तयारी गरेको पनि ती मन्त्रीले जानकारी गराए ।

त्यसरी विदेशबाट नेपाल ल्याएकालाई काठमाडौंका होटलमा १४ दिन क्वारेन्टाइनमा राखेर मात्र जिल्ला प्रवेश गराउने योजना बनाएको छ ।