रुकुम घटनामा पोष्टमार्टम रिपोर्ट – पाँचै युवाको कुटपिटबाट मृत्यु

काठमाडाैं – रुकुम घटनामा मृत्यु भएका ५ जनाकै पोष्टमार्टम रिपोर्ट सार्वजनिक भएको छ । उनीहरुको मृत्यु कुटपिटबाट भएको रिपोर्टले देखाएको छ । उनीहरुको जाजरकोट अस्पतालमा पोष्टमार्टम गरिएको थियो।

मृतक सबैको टाउको, अनुहारसहित शरीरका विभिन्न अंगमा चोट देखिएको इलाका प्रहरी कार्यालय चोरजहारीका प्रहरी निरीक्षक धर्मसिंह बिष्टले बताए ।

मृतकहरुको टाउको, हातखुट्टा, छाती र पिठ्युँमा चोटपटक लागेको देखिएको पोष्टमार्टममा संलग्न एक चिकित्सकले बताएका छन् ।

नदीमा बगे पनि उनीहरुको पेटमा पानी नभरिएको रिपोर्टले देखाएको छ ।

रुकुम पश्चिमको चौरजहारी नगरपालिका–८ सोतीकी मल्ल थरकी एक किशोरीसँगको प्रेम सम्बन्धमा रहेका जाजरकोटको भेरी नगरपालिका ४ का नवराज विकसहित पाँच युवाको गाउँलेले कुटेर हत्या गरेका थिए।