अमेरिकी राष्ट्रपति ट्रम्पले विश्व स्वास्थ्य संगठनसंगको नाता तोडे

एजेन्सी – अमेरिकाका राष्ट्रपति डोनाल्ड ट्रम्पले विश्व स्वास्थ्य संगठनसंगको सबै सम्बन्ध तोडिएको घोषणा गरेका छन । विश्व स्वास्थ्य संगठन पुरै रुपमा चीनको इशारामा चालेको आरोप लगाउँदै राष्ट्रपति ट्रम्पले यस्तो घोषणा गरेका हुन ।

कोरोना भाइरस संक्रमणको महामारीबाट विश्वमै सबै भन्दा बढी प्रभावित मुलुक अमेरिकाका राष्ट्रपति ट्रम्पले डब्लुएचओको सुधारका लागि दिइएका सुझाव पनि कार्यान्वयन नगरेको आरोप लगाएका छन् ।

बुहानमा उत्पन्न भएको कोरोना भाइरस बारेको जानकारी लुकाएर चीनले पुरै विश्वमा महामारी फैलाएको आरोपसमेत राष्ट्रपति ट्रम्पले लगाएका छन् ।

चिनियाँ अधिकारीहरुले विश्व स्वास्थ्य संगठनसंग पनि थुप्रै जानकारीहरु लुकाएको अमेरिकी राष्ट्रपति ट्रम्पले दाबी गरेका छन् ।

चीनसंगको सबै नाता तोड्ने यो घोषणासंगै अमेरिकी स्टक एक्स्चेन्जमा सुचीकृत चिनियाँ कंपनीहरु विरुद्ध कडा कारवाही गरिने ट्रम्पले बताएका छन ।

हङकङलाई दिईएको ब्यापार र यात्रा सुविधा पनि बन्द गर्ने उनले घोषणा गरेका छन ।