सील गरेको रासायनिक मल गाउँपालिकाले वितरण गर्न पाउँदैन – प्रजिअ

भोजपुर-भोजपुर प्रमुख जिल्ला अधिकारी वसन्तराज पुरीले अरुण गाउँपालिका अन्तर्गत जरायोटार भाेर्लाबाेटमा सील गरिएको मल गाउँपालिकाले वितरण गर्न नपाउने बताए ।

उनले आफूलाई गाउँपालिकाले मलको वितरण गर्ने निर्णयको जानकारी नरहेको समेत बताए ।

छानविन समिति त्यहाँ पुगेर छानविन गरेपछि मात्र के गर्ने भन्ने कुराको निर्णय हुने उनले हटपाटीलाई जानकारी दिए ।

छानविनको लागि आजै समिति सो क्षेत्रमा पठाएको समेत जानकारी दिए ।स्थानीय प्रशासनले ४१ बोरा मल भर्ला डाँडामा सिल गरेर राखेको स्रोतले बताएको छ ।

गाउँपालिकाको निर्णयमा याकू र जरायोटारका वडाध्यक्षको रोवहरमा भद्रमान भुजेललाई आममाफी दिने र रासायनिक मल स्थानीयस्तरमा वितरण गर्ने निर्णय गरेको स्थानीयबासीले गुनासो गरेका छन् ।

अरुण गापाका अध्यक्षलाई कुरा बुझन खोज्दा उनले फोन उठाएनन् । अवैधरुपमा मल विक्रीवितरण गर्ने भद्रमान भुजेल वडा नम्बर ६ बासी याकुका हल्कारा समेत हुन् । सात सय पर्ने मल उनले २ हजारमा बिक्री गरेको पाईएको छ ।