प्रिमियर लिग फुटबलका ६ जना खेलाडी र कर्मचारीमा काेराेना पुष्टि

एजेन्सी –  इंग्लिस प्रिमियर लिग फुटबलका ६ जना खेलाडी र केही कर्मचारीमा कोरोना पुष्टि भएको छ । तीन क्लबका खेलाडीमा कोरोनाको परीक्षण गर्दा ६ जनामा पोजेटिभ देखिएको प्रिमियर लिगले जनाएको छ ।

प्रिमियर लिगले क्लबको प्रशिक्षण सुचारु गर्नु अघि खेलाडीसहित अन्य कर्मचारी गरि ७ सय ४८ जनाको परीक्षण गरिएको थियो ।

त्यसमध्ये वाट्फोर्डका एक खेलाडी र दुई कर्मचारी तथा बर्नलीका सहायक प्रशिक्षक ड्यान वोइन रहेका छन् । कोरोना पोजेटिभ देखिएका खेलाडीहरु सेल्फ क्वारेन्टाइनमा रहेको बताइएको छ ।