तरकारीको राजा आलु खाँदा हुन्छ फाइदैफाइदा

काठमाडौँ-तपाई प्राय मानिसको भान्सामा जानुस्, यौटा तरकारीको प्रजाति सब‌ै तिर पाईन्छ – त्यो हो आलु । आलु एक सर्वसुलभ र सस्तो सब्जी तथा खाजा हो । नेपाली भान्सामा सबैभन्दा बढी प्रयोग हुने तरकारी पनि हो आलु । आलुलाई जुनसुकै तरकारीसँग पनि मिसाएर खान सकिन्छ । साथै, यसलाई धेरै किसिमका परिकार बनाएर खान मिल्छ । आलुलाई स्वास्थ्य र पोषणका दृष्टिकोणले समेत उपयोगी मानिन्छ।

जसरि आलुलाई विभिन्न परिकार बनाएर प्रयोग गर्न सकिन्छ, त्यो भन्दा बढी मात्रामा यसमा फाइदाकारक तत्वहरु छन् । मेडिकल न्यूज टुडेका अनुसार बहुगुणी आलुका फाइदाहरु निम्न अनुसार छन् :

१-आलु पोषणको भण्डार हो । यसमा प्रशस्त मात्रामा भिटामिन र मिनरल्स पाइन्छ ।

२-आलु भिटामिन, खनिज र एन्टिअक्सिडेन्टको राम्रो स्रोत हो । आलुमा पाइने एन्टिअक्सिडेन्टका कारण मधुमेह, हृदय रोग, क्यान्सर र पुराना रोग बल्झिने समस्या कम हुन्छ ।

३-रक्तचाप, प्रतिरक्षा प्रणाली, पाचन प्रणाली लागि पनि आलु उपयोगी मानिन्छ ।

४-आलुमा प्रशस्त स्टार्चको मात्रा हुन्छ । जसले रगतमा इन्सुलिनको मात्रालाई नियन्त्रण गरी ब्लड सुगरको जोखिम घटाउँछ ।

५-नियमित आलुको सेवन गर्ने मानिसमा कब्जियत, पेट दुख्ने, ग्यास भरिने आदि समस्याको जोखिम कम हुन्छ ।

६-एक अध्ययन अनुसार आलु खाएर शरीरमा हर्मोनको स्तर बढाउन सकिन्छ ।

७- मानिसको शरिर सुगठन गर्नमा पनि आलुको ठूलो हात रहने अध्ययनले देखाएको छ । आलुमा हाम्रो शरिरलाई सुगठीत बनाउन आवश्यक तत्वहरु प्रचुर मात्रामा पाईने भएकाले शरिर बलियो बनाउन पनि आलुको ठूलो हात रहन्छ ।