नेपाली सेनाले चीनबाट ल्यायो अत्यावश्यक स्वास्थ्य सामग्री

काठमाडौं-नेपाली सेनाले अत्यावश्यक स्वास्थ्य सामग्री चीनबाट नेपाल ल्याएको छ । सामान लिनका लागि सोमबार बेलुका गएको नेपाल एयरलाइन्सको विमान मंलबार बिहान आएको नेपाली सेनाका प्रवक्ता विज्ञानदेव पाण्डेले जानकारी दिएका छन् ।

जीटूजी मार्फत स्वास्थ्य सामग्री चीनबाट ल्याउने जिम्मा पाएको नेपाली सेनाले नेपाल एयरलाइन्सको चार्टर्ड विमान मार्फत मंगलबार बिहान सामान ल्याएको हो ।

चीनबाट दुई अर्बमा ६७ प्रकारका ३४२ टन स्वास्थ्य सामग्री ल्याउने सम्झौता भएको थियो ।

त्यस अन्तर्गत पहिलो विमानमा मंगलबार १८ हजार ८४३ किलो सामान ल्याइएको हो ।