लकडाउन जेठ २० गतेसम्म लम्ब्याउने निर्णय

काठमाडौं-नेपालमा कोरोनाभाइरसको संक्रमण बढ्दै गएपछि सरकारले लकडाउन जेठ २० गतेसम्म लम्ब्याउने निर्णय गरेको छ ।

आज बसेको मन्त्रिपरिषद्को बैठकले लकडाउन अरु लम्ब्याउने निर्णय गरेको हो ।

यसअघि आजै बसेको उच्चस्तरीय समन्वय समितिको बैठकले लकडाउन लम्ब्याउनुपर्ने निष्कर्ष निकालेको थियो ।

सरकारले पहिलोपटक चैत ११ देखि १८ गतेसम्म लकडाउन गरेको थियो ।

त्यसपछि फेरि दोस्रोपटक एक हप्ता थपेर २५ चैतसम्मका लागि लम्ब्याइएको थियो । त्यसलाई निरन्तरता दिँदै वैशाख ३, त्यसपछि वैशाख १५ र १० दिन थप गर्दै बैशाख २५ र पछिल्लो पटक जेठ ५ गतेसम्म लकडाउनको अवधि थप गरेको थियो ।