सरकारको नीति तथा कार्यक्रम-कृषि उत्पादनको मूल्य तोकिने, किसानले घाटा बेहोर्नु नपर्ने

काठमाडौँ-सरकारले कृषि उत्पादनको समर्थन मूल्य तोक्ने भएको छ । अव्यवस्थित बजारिकणको व्यवस्थापन गर्दै कृषकको लगानी खेर नजाने गरी कृषिको उत्पादनको समर्थन मूल्य तोकिने भएको हो ।

बस्तुको उत्पादनको लागत मूल्यांकन गरी कृषिजन्य बस्तुमा समर्थन तोकिन लागेको राष्ट्रपति विद्यादेवी भण्डारीले बताइन ।

सरकारको नीति तथा कार्यक्रम सार्वजनिक गर्दै उनले संकलन केन्द्र, विक्रि केन्द्र्र लगायतको पूर्वाधार विकास गर्दै समर्थन मूल्य तोकिने बताइन ।

किसानले उत्पादन गरेको सामग्री बजारसम्म समर्थन मुल्यमा पुर्याउने र कुनै प्रकोप आईपर्यो भने पनि किसान घाटामा नजानेगरी सरकारले बजेट ल्याउने भएको हो । अव्यवस्थित बजारका कारण किसानले अहिले आफ्नो लगानी पनि उठाउन नसक्ने अवस्था रहेकोले प्रणाली सुधार गर्न लागिएको उनले बताइन ।