नेकपा सचिवालय बैठक बालुवाटारमा जारी

काठमाडौं- सत्तारुढ नेपाल कम्युनिस्ट पार्टी (नेकपा) को सचिवालय बैठक बसिरहेको छ । बालुवाटारमा बैठक बसिरहेको नेकपाका प्रवक्तना नारायणकाजी श्रेष्ठले उज्यालोलाई जानकारी दिए ।

बैठकमा सरकारले शुक्रबार संसदमा प्रस्तुत गर्ने आगामी आर्थिक वर्षको नीति तथा कार्यक्रम र स्थगित भएको स्थायी कमिटी बैठकका विषयमा पनि छलफल हुनेछ ।

यसअघि गएको वैशाख ३१ गगते स्थायी कमिटी बैठक बोलाईएपनि स्थगित भएको थियो । त्यसअघि वैशाख २५ गतेका लागि बोलाईएको बैठक पनि स्थागित भएको छ ।

स्थायी कमिटी बैठक डाक्न नेताहरुले दबाब दिईरहेपनि प्रधानमन्त्री एवं पार्टी अध्यक्ष केपी शर्मा ओली भने बैठक बस्न मानिररहेका छैनन् ।