स्वास्थ्य मन्त्रालयको गम्भीर त्रुटी, कोरोना सङ्क्रमितको संख्या २४५ मात्रै

काठमाडौं- स्वास्थ्य तथा जनसंख्या मन्त्रालयले कोरोना सङ्क्रमितको संख्या २४५ मात्रै भएको प्रष्ट पारेको छ ।

यसअघि सङ्क्रमितको संख्या २५० पुगेको भनेर विज्ञप्ती निकालेको मन्त्रालयले पहिले नै पुष्टि भएका ५ जनाको नाम परेको भन्दै त्रुटि सच्याएको हो ।

संक्रमितको संख्या २४५ मात्रै रहेको मन्त्रालयले विज्ञप्ती मार्फत जनाएको छ । बिहान सर्लाही, धनुषा र महोत्तरीका गरी ५ जना थप भएको विवरण सार्वजनिक भएको थियो । तर यो संख्या यसअघि नै अद्यावधिक भैसकेको थाहा भएकोले त्रुटी सच्याईएको मन्त्रालयले जनाएको छ ।

बिहीबार काठमाण्डौ चन्द्रागिरीका ३२ वर्षका पुरुष र कपिलवस्तुकी ६ वर्षीया बालिका गरी दुई जनामा मात्रै संक्रमण देखिएको मन्त्रालयले निकालेको पछिल्लो विज्ञप्तीमा उल्लेख छ ।