‘सीमामा नेपालीलाई अलपत्र छाड्ने भारतीय शैली डब्ल्यूएचओको मापदण्ड विपरीत’

काठमाडौं । प्रदेश ५ का मुख्यमन्त्री शंकर पोखरेलले कोरोना परीक्षण नगराइकन भारतले नेपालीहरुलाई सीमामा अलपत्र छाडेको भन्दै असन्तुष्टी जनाएका छन् ।

सामाजिक संजाल फेसबुक मार्फत उनले भारतको यो शैली डब्ल्यूएचओको मापदण्ड विपरीत भएको भन्दँ आक्रोश पोखेका छन् ।

मुख्यमन्त्री पोखरेलले विनापरीक्षण नेपालीलाई सीमामा अलपत्र छोड्ने भारतीय शैली डब्लुएचओको मापदण्ड विपरीत रहेको भन्दै संक्रमितलाई असुरक्षित यात्रा गराउन नमिल्ने बताएका छन् ।

सीमा क्षेत्रमा छाडिएका कतिपय श्रमिकहरु सुरक्षाकर्मीको आँखा छलेर रातिको समयमा नेपालमा भित्रिएका छन् । भारतमा लुकिछिपी नेपाल आएका धेरैजसो व्यक्तिहरुमा कोरोना संक्रमण देखिएको छ ।