दुुबईमा नेपाली र बंगलादेशी कामदारबीच झडप

दुबई –  दुबईमा नेपाली र बंगलादेशी कामदारबीच झडप भएको छ । नेपाल फर्किने भनेर विमानस्थल पुगेका र अचानक नेपालले गरेको लकडाउनका कारण दुबईमै अड्किएका नेपाली कामदार आक्रोशमा आउँदा झडप भएको त्यहाँका अधिकारीले जनाएका छन् ।

दुबईको जबिलआलीमा रहेको फ्लेक्स म्यानेजमेन्ट कम्पनीमा रहेका नेपाली तथा बङग्लादेशी कामदार बिच झडप भएको हो । झडपमा केही नेपाली घाइते भएका छन । घाईते मध्येका एक रामबहादुर नाम गरेका पूर्ण पहिचान नखुलेका नेपालीलाई टाउको तथा शरीरमा चोट लागेको छ । अन्य केही नेपालीको शरीरमा नीलडाम बसेको छ ।

कम्पनीले काम नहुँदा समस्यामा पर्ने भन्दै केही कामदारको भिसा रद्द गरेर नेपाल पठाउन बिमानस्थल सम्म पठाएको थियो ।

तीनै कामदार नेपाल जान नपाउदा थप आक्रोषित हुने, डिप्रेसनमा पर्ने, तथा मदिरासेवन गरेर मजदुर क्याम्पमा समस्या गर्दै आएको कम्पनीले जनाएको छ ।