एक जिल्लाबाट अर्को जिल्लामा जाने सबै सवारी पास रद्ध

काठमाडौं – सरकारले एक जिल्लाबाट अर्को जिल्लामा जानेगरी जारी भएका सबै सवारी पास रद्ध गरेकाे छ ।

कोरोना संक्रमितको संख्या थपिएसँगै थप कडाई गर्नुपर्नै भएकोले सबै गाडी पासहरु रद्ध गरिएको गृह मन्त्रालयका सुचना अधिकारी उमाकान्त अधिकारीले बताए ।

पर्सी १ गतेदेखी लागु हुनेगरी सबै पास रद्ध गर्ने निर्णय भएको हो । काठमाडौं उपत्यकामा कार्यरत सरकारी कर्मचारीको हकमा पनि पासलाई कडाई गरिएको उनले बताए ।

यसअघि सरकारी कर्मचारी, बैंक तथा वित्तीय संस्था, उद्योग, निर्माण सेवालगायतसँग सम्बद्ध व्यक्तिले कार्यालयको परिचय पत्र देखाएर हिँड्ने गरेकोमा अब सम्बन्धित नियामक निकायबाट प्राप्त पास अनिवार्य गरिएको अधिकारीको भनाइ छ ।

पत्रकारकाे हकमा सुचना विभागको परिचयपत्रको आधारमा आवत जावत गर्न दिने निर्णय भएको अधिकारीले बताए ।