सम्पर्कबिहीन भएका प्रहरी जवान मृत भेटिए

सुर्खेत– ड्युटीमै रहेका बेला सम्पर्कबिहीन बनेका सिम्ता गाउँपालिकाका एक प्रहरी जवान मृत फेला परेका छन् ।

प्रहरी जवान नरेन्द्र खड्का आग्रीगाउँ प्रहरी चौकीमा कार्यरत ड्युटीबाटै सम्पर्कविहीन भएका थिए ।

कर्णाली प्रदेश प्रहरीका अनुसार उनको शव मंगलबार बिहान ९ बजे आग्रीगाउँ प्रहरी चौकीदेखि एक किलोमिटर पर भेटिएको छ । उनी राति २–३ बजेसम्मको ड्युटीमा खटिएका थिए ।

कञ्चटमा गोली लागेको अवस्थामा प्रहरी चौकी नजिकैको जंगलमा फेला परेका थिए ।

प्रहरीले घटनाका बारेमा अनुसन्धान भइरहेको र कारण अनुसन्धानपछि मात्र खुल्ने जनाएको छ ।